Kumpiyansa si House Minority leader Marcelino Libanan na bentahe kan Pilipinas na magin “low-cost reliable export hub” kan mga produkto kan Estados Unidos, partikularmente an semiconductors, sa ibong man kan reciprocal tariffs na ipinataw kan US.
Kun ikukumpara kaya soboot sa ibang mga nasyon na pinatawan nin bagong taripa, mas hababa an sa Pilipinas.
Kaya man soboot, dae harayo na ikonsiderar kan multinational manufacturers na mag-relocate nin operasyon sa nasyon.
Sa katunayan, nangengenot na soboot an Pilipinas sa electronics manufacturing na igwa nin $39 billion na kantidad kan semiconductor asin electronics product export kan nakalihis na taong 2024.
Marahay man soboot na samantalahon an pagkakataon na ini na pakusugon pa an mga presente nang semiconductor companies.
Abiso man kan lehislador na gamiton an estratehikong diplomasya sa pakikipagnegosasyon kan trade officials sa Estados Unidos para sa mas marahay na tariff terms.
Ini man makalihis ipagpa-uktaba nin 90 aldaw an bagong tariff rate asin imbes ay ipa utob sana an 10% across-the-board na taripa sa mga trade partnets kan Estados Unidos.
