Ipinagsugo ni Presidente Ferdinand Marcos Jr an pagbilo kan inter-agency task force na iyong responsable sa pagpreparar kan nasyon sa makasaysayan na paghost sa FIFA Futsal Women’s World Cup (FFWWC) ngunyan na taon.
Nakapalaman sa Administrative Order 35 na an task froce an magseserbeng central body coordinating government sa pagpaplano, pag-organisa asin pagpapautob sa nasambitan ng international tournament.
Mapuon an nasambitan ng torneo puon Nobyembre 21 hasta Disyembre 7.
An Task Force an pamamayuhan kan Philippine Sports Commission kaibahan an Department of Interior and Local Government (DILG) komo vice chair.
Ini an enot na pagkakataon na magin host an Pilipinas kan FIFA Futsal Women’s World Cup na an mga kawat an ikukundusir sa Pasig City asin sa Victorias City, Negros Occidental.
Mapakol man sa 16 na mga national futsal teams an piglalaoman na mapartisipar sa nasambitan ng torneo.
