Aram baya nindo mga ka-bombo, an doorbell camera kan sarong babae sa California pigsasabi na nakuanan nin video an sarong misteryosong pigura na pigsaysay kan ibang mga residente komo aktibidad kan mga alien.
Susog sa report, pigheras ni Jessica Ortiz an sarong footage sa social media na nagpapahiling kun ano an nakuanan kan saiyang Ring camera sa luwas kan saiyang harong.
Mahihiling sa video an kakaibang pigura na naglalakaw pasiring sa saro pang harong.
Katakod digde, magin an saiyang aki kan madalan an footage nin nagkapirang beses pigsaysay na ini an sarong alien.
Mientrastanto, pigsaysay kan nagkapirang mga netizens na an pigura an garo soboot sa alien o iba pang misteryosong nilalang.
Mantang an iba man nagsabi na posible soboot na tawo man sana ini na igwang sulot na kopya o kaya igwang bitbit na light-colored bag na kun saen mahihiling sa camera na garo anino kan alien.
Sa ngunyan, an nasambitan ng video an nag-abot na nin labi 1 million views sa Instagram, alagad dae pa man giraray nakakua nin pinal na kasimbagan si Ortiz dapit sa nasambitan ng nilalang.
