NAGA CITY-Nasa 40,000 hasta sa 140,000 nin mga obrero sa Metro Manila an posibleng mawaran nin trabaho huli sa ₱35 na dugang sa daily minimum wage, alagad positibo an gobyerno na an mas halangkaw nin sahod dai maaapektaran an inflow nin investments na nagpapakusog sa paglago kan ekonomiya.
Sigun ki Socioeconomic Planning Secretary Arsenio Balisacan, an pinakahuring wage increase rasonable asin bakong nakakabagat sa ekonomiya.
Dugang pa kaini an pagsakat kan minimum wage posibleng mapasakat man an unemployment rate alagad sa napakahababang numero sana.
An mga obrero man soboot na madidisplace kan wage hike makakakua man liwat nin mga bagong oportunidad huli sa paglago kan ekonomiya asin labor market.
Saiya man na pigduon na kamawotan kan gobyerno na mapamaray an kalidad kan employment na an katampad an mas halangkaw nin kita.
