Nakatalaan na bumiyahe sa masunod na semana sinda Department of Trade and Industry (DTI) Secretary Ma. Cristina Roque asin Special Assistant to the President for Investments and Economic Affairs (SAPIEA) Secretary Frederick Go pasiring Estados Unidos tangani i-negotaite an tariff rate sa irarom kan executive order ni US President Donald Trump.
Makaka-ulay man kan mga opisyal kan Pilipinas an US Trade Representative (USTR) asin an Sekretaryo kan Commerce in Washington, D.C.
Sinaysay ni Roque na pwedeng ialok kan Pilipinas an pagtaas kan dakol kan imports gikan sa Estados Unidos siring kan soybeans asin iba pang agricultural products, mantang binabalanse an local agriculture sector.
Marurumdumang, aldaw kan Martes, nakipagmeeting sinda Roque asin Go sa manlaen-laeng industriya para sa konsultasyon kan mga stakeholder komo preparasyon para sa napipintong pakikipagmeeting sa mga opisyal kan Estados Unidos.
Sigun ki Go, kumpiyansa an duwang nasyon na makakabilog nin “mutually advantageous” tariff arrangements.
