Naarestar an pirang miyembro kan Metropolitan Manila Development Authority (MMDA) huli sa alegasyon soboot kan paghahanon nin sahod.
Sigun ki MMDA Chairman Romando Artes, na an nasambitan ng empleyado iyo an nakatalaga sa payroll division.
Dugang pa ni Artes na pigbabawasan kan mga suspek an sahod kan ibang empleyado asin ini an pigbubugtak sa saindang sahod.
Nakahanap soboot an mga suspek kun pano manipulahon an saindang payroll system.
Nadiskubre sana kan ahensiya an nasambitan ng scheme kan nakalihis na semana.
Kaibahan ni Artes sinda MMDA General Manager asin retired Police Col. Procopio Lipana asin inarestar an dae na pinangaranang mga empleyado kan MMDA.
Pigsierto ni Artes na nagpepreparar na sinda nin magabat na kaso tanganing dae makapagpiyansa an mga pigreklamo.
Nagsagibo na man sinda nin internal audit sa ahensiya tanganing dae na mautro pa an insidente.
