NAGA CITY-Pigsierto kan Presidential Anti-Organized Crime Commission(PAOCC) an mga lugar sa southern Metro Manila para sa mga ilegal na aktibidades kan Philippine Offshore Gaming Operators(POGO).
Pigsambit ni PAOCC Spokesperson Winston John Casio na kabali sa saindang mahigot na binabantayan an Muntinlupa, Makati, Pasay, asin Parañaque, kun saen may mga recorded cases na may koneksyon sa POGO.
Ini makalihis na makakua sinda nin bareta na nakaabot na sa Metro Manila an mga nakadulag na obrero gikan sa na-raid na POGO hub sa Porac, Pampanga.
Dugang pa ni Casio, pigbabantayan man kan mga awtoridad an mga ilegal na POGO sa Cavite, kabali an mga nasa Bacoor asin Dasmariñas.
Hinala kan mga awtoridad pig-gagamit an Ninoy Aquino International Airport(NAIA) komo gateway para sa operasyon kan mga ilegal na POGO sa southern part kan Metro Manila.
