Pigtangkilik nin husto ngunyan kan mga parabakal an mga panindang torotot komo alternatibo sa paputok na paribok sa bagong taon.
Kun saen mabenta na ini sa pirang mga merkado kan Libertad sa siyudad kan Pasay orog na sa amay na pagdagsa kan mga tawo.
Pigheras kan sarong tindera na piglalaoman kaini na kadakol pa an mga mapasiring sa lugar huli man ta maaliwas na an panahon kumparar kan nakalihis na aldaw.
Sigun man sa sarong parabakal, mas pinili kaining magbakal na sana nin torotot kaysa sa paputok tanganing malikayan na man an aksidente orog na sa saiyang mga aki.
Ikinaog man kaini asin kan sarong parabakal kan torotot an hababang presyo kaini na abot kaya kan saindang bulsa.
Mantang pigheras man kan sarong paratienda na matinir an saindang presyuhan kan torotot sa hababang presyo.
Mababakal an toroto sa kantidad na P20 para sa sadit asin nasa P100 man para sa igwang darakulang sukol.
