Nakakurit nin kabilogang numero kan 639 na mga confiscated items an pamayuhan kan Paranaque Integrated Terminal Exchange (PITX) puon Disyembre 20 na iyong puon kan pagdagsa kan mga pasahero tanganing mag-urul sa saindang mga probinsya.
Sigun sa datos kan PITX, sa 639 na mga nakupiskar, 88 digde an mga gunting, 93 an cutter blade, 15 an tabak asin 110 man an kutsilyo para sa mga ipinagbabawal na matatarom na mga bagay.
Nakakua man an mha awtoridad kan 226 na lighter, 76 na butane gas, pitong LPG tank, 23 na mga paputok asin sarong five fingers.
Mientrastanto, nagpakol na sa 2 milyong mga pasahero an napagsirbihan kan PITX puon kan Disyembre 20.
Sa ibong man kan nagpapadagos na raot kan panahon, mayo man pig-anunsyar na mga kanseladong mga trips.
Piglalaoman man kan pamayuhan kan PITX na makakapagsirbi ini nin poco mas o menos tolong milyon na mga pasahero hasta Enero 6 sa masunod na taon.
