Liwat na nagpagirumdom an Philippine National Police Bicol sa mga magurang asin mga guardians na magin vigilante sa pagmonitor kan aktibidad kan saindang mga aki online.
Ini an tanganing malikayan an anuman na klase kan pang-aabuso o cybercrime na kadalasang nangyayari sa mga kajovenan.
Sigun ki PRO-5 Director Brig. Gen. Nestor Babagay Jr. kasuarin sana igwa sindang pigsalbar na 14-anyos na biktima kan cybercrime sa Rehiyong Bikol gikan sa 29-anyos na suspek.
Pigreport soboot kan biktima asin Ina kaini sa mga otoridad an pagbabanta na narereseber kan 14-anyos na biktima.
Sa pigkundusir man na imbestigasyon, napag-araman na dati naman nahiling kan suspek an nasambitan ng biktima. Pig-arestrar kan mga kapulisan an suspek makalihis na purbaran kaining ilaog sa sarong Inn an daragita.
Katakod digde, mahahampang sa kasong pagbalgar sa Republic Act 7610 an suspek na igwang kinaaraman sa Cybercrime Prevention Act of 2012.
Sa ngunyan, pig-enkaminar na sana kan opisyal an publiko na dae tolos magtiwala sa mga estranghero na nakakaulay online tanganing makalikay sa anuman na insidente.
Apwera digde, tolos man na i-report sa pinakaharaning police station kun enkaso nahahampang sa kaparehas na sitwasyon.
