Pigsierto ni PNP Chief Police General Rommel Francisco Marbil na sa irarom kan saiyang pamamayo, ibe-bwelta an dignidad kan gabos na personahe kan Pambansang Pulisya.
Katakod digde, ipinagbabawal na ni Gen. Marbil na gibuhong taga payong an mga pulis sa mga bistadong indibidwal.
Pigtawan duon pa kan opisyal na an gabos kan personahe kan PNP an bakong mga alalay, tagapag maneho o mga bayadang pulis.
Pigpunto pa ni Gen. Marbil na dapat magserbeng huwaran an saindang mga tauhan sa pagigin malalaom asin an mapagkakatiwalaan.
Padagos man na irerespesto kan PNP an mga derechos humanos sa paagi kan pagpapautob nin recalibrated approach” sa saindang mga programa dapit sa pagsugpo kan iligal na droga sa nasyon.
Nagtutubod man an opisyal na mayong dapat bawian nin buhay sa pagpapautob kan ley sa nasyon.
