Matapos an halawig na panahon nin pagkakasuway, nakatala nang makabalik si Mary Jane Veloso sa saiyang harong sa Barangay Caudillo, Cabanatuan City, Nueva Ecija, kasunod kan pagtao saiya nin absolute pardon.
Sarong aldaw matapos an saiyang pagkalaya, kaiba sa mga inot na ginibo ni Veloso an pag-atender sa misa kaiba an saiyang pamilya sa Sta. Catalina Convent sa laog kan Siena College sa Quezon City.
Ibinahagi ni Veloso na inot niyang hinanap an saiyang mga magurang matapos siyang makalaya huli ta sabik na siyang makairiba asin mayakap an mga ini.
Saro man sa mga inot na kakanon na saiyang nakakan an pizza, mantang inaabangan man niya an mga lutong-harong na ihahanda kan saiyang pamilya pag-uli niya.
Aminado si Veloso na pagod siya asin kulang sa tulog matapos an sunod-sunod na pangyayari.
Alagad, mas nangingibabaw daa an saiyang kagayagayahan huli ta muli na niyang makakairiba an pamilya, kaiba an simpleng bonding arog kan sabay-sabay na pagturog asin paggugol nin oras na haloy na nindang dai nagibo.
Nagpasalamat man si Veloso ki Pangulong Ferdinand Marcos Jr. sa pagtao saiya nin absolute pardon.
Matatandaan na haros duwang taon siyang nagsirbe sa Correctional Institution for Women bago tuluyang natawan nin pardon.
Kan 2015, matapos sumuko sa Pilipinas an daa illegal recruiter ni Veloso, nag-apela kaidto si dating Pangulong Benigno Aquino III sa Indonesia na dai ipadayon an saiyang execution.
Haloy nang iginigiit ni Veloso na dai niya aram na may ilegal na droga sa saiyang bagahe kan siya arestuhon sa Indonesia.
