PNP mas doble an pagbabanta sa publiko ngonian na ‘Ber’months

Mas dinoble na ngonian kan Philippine National Police (PNP) an presensya kaini sa mga matawong lugar poon kan magpoon an ‘Ber’ months.

Segun sa PNP Chief Police General Jose Melencio Nartatez Jr., pigsugo niya an gabos na kapulisan sa rehiyon asin ciudad na pakusugon an saindang police visibility, pagpatrolya asin pagbantay sa mga establisimento.

Babantayan man ninda an mga terminal nin transportasyon asin iba pang pampublikong lugar na parating pigdudumanan kan mga tawo.

Piglalaoman na sa laog kan bulan na ini, madudugangan man an mga parahabon na nag-aaprobetsar sa mga lugar na parating dinadalaw kan mga tawo.

Piglinaw kan PNP chief na bilog na taon nagbabantay an mga pulis para masierto an kaligtasan kan publiko.