Nagpatupad ng panibagong balasahan ang Philippine National Police (PNP) matapos italaga ang ilang opisyal sa iba’t ibang mahahalagang posisyon sa organisasyon.
Batay sa inilabas na kautusan, itinalaga si Directorate for Education and Training (DET) Deputy Director P/Brig. Gen. Arnold Ibay bilang bagong hepe ng National Capital Region Police Office (NCRPO).
Papalitan naman si P/Brig. Gen. Randy Arceo na itatalaga sa Personnel Holding and Accountability Unit (PHAU).
Samantala, itinalaga bilang bagong DET Deputy Director si PNP Academy Deputy Director P/Brig. Gen. Romeo Berango bilang kapalit ni Ibay.
Papalit naman kay Berango si Directorate for Research and Development (DRD) Executive Officer P/Brig. Gen. Francisco Ebreo.
Itinalaga rin si P/Brig. Gen. Gonzalo Villamor Jr. bilang bagong Executive Officer ng Directorate for Research and Development.
Samantala, magiging bagong PNP Commandant of Cadets si Police Regional Office–Cordillera Administrative Region Deputy Director for Operations P/Col. Ledon Monte.
