Lininaw kan Philippine National Police (PNP) na mayong nationwide gun ban sa ikalimang State of the Nation Address (SONA) ni Presidente Ferdinand R. Marcos Jr sa Lunes, Hulyo 27.
Sa pinaluwas na pahayag kan PNP, pinahimutikan kaini an mga impormasyon na naglalakop online dapit sa nationwide gun ban.
Segun sa Philippine National Police (PNP) na mayo man nin ipinaluwas na direktiba an PNP para sa nasabing aktibidad; alagad, ipapaotob an mga eksistidong ley, lokal na ordinansa asin security protocols para digdi.
Komo parte kan preparasyon kan seguridad para sa SONA, magkakaigwa nin restrictions sa pagdara nin mga badil asin iba pang deadly weapons sa designated security areas.
Nangapudan an PNP sa publiko na mag-otob sana sa mga opisyal na komunikasyon asin likayan an pagshare nin mga dae beripikadong post na posibleng magkawsa nin karibarawan o kalituhan sa publiko.
