Pig-giit kan Philippine National Police (PNP) na mayo sindang nahiling na verified threats laban ki Vice President Sara Duterte, sa ibong kan saiyang pagpahayag nin pagkabigla sa saiyang seguridad kan magpiyansa ini sa Quezon City
“I do not feel safe at all, kahit anong gawin ko,” an pahayag kan Bise Presidente kan personal siyang magsadya sa Quezon City Regional Trial Court kan Sabado, Setyembre 5, tanganing magpiyansa para sa tulong kaso nin grave threats.
Piglinaw ni Philippine National Police Chief PGen. Jose Melencio Nartatez, Jr. na mayo pang nareresibeng report an PNP hale ki VP Duterte manungod sa anuman na banta sa saiyang buhay o kan saiyang pamilya, kaiba na an mga sinasabi kaining banta kan 2023.
Pigduon ni Nartatez na mayo man nakitang verified threats an PNP laban sa Bise Presidente o sa saiyang pamilya.
Pigkumpirma man kan PNP na nagtao sinda nin supisyenteng security assistance ki VP Duterte mantang ini yaon sa Quezon City RTC.
Ligtas man siyang nakaluwas sa korte matapos niyang magpost nin P120,000 na piyansa para sa kada bilang kan saiyang kaso.
