Pigsaysay ni Philippine National Police (PNP) PIO Chief asin Spokesperson PBGen. Jean Fajardo, na nagtao na nin direktiba si PNP Chief Police Gen. Rommel Francisco Marbil na preparan an posibleng magin epekto kan paabuton na bagyong Marce.
Sa sarong pulong balitaan sa Camp Crame, pigsaysay ni PBGen. Fajardo, na dagos-dagos an koordinasyon kan kapulisan nasyonal sa mga Local Government Units, orog na sa mga lugar na piglalaoman na tamaan kan bagyo.
Sinasabing preparado na man an pwersa kan PNP enkaso magkaigwa nin preemptive evacuation.
Mientrastanto, nangangapudan an PNP sa publiko na naka-istar sa mga flood-prone areas asin igwa nin posibilidad na magbaha, na magpreparar sa evacuation.
