Tiniyak ng Philippine National Police (PNP) na susunod sila sa direktiba ng Department of Justice (DOJ) kaugnay ng pagpapatupad ng arrest warrant mula sa International Criminal Court (ICC) laban kay Senador Ronald dela Rosa.
Sa pahayag ng PNP nitong Huwebes, Mayo 21, sinabi ng ahensya na kinikilala nila ang proseso ng hustisya at ang awtoridad ng mga kinauukulang ahensya ng pamahalaan sa pagpapatupad ng mga legal na kautusan.
“The Philippine National Police (PNP) takes note of the directive issued by the Department of Justice (DOJ) directing the Philippine National Police (PNP) and the National Bureau of Investigation (NBI) to effect the warrant of arrest against Senator Ronald ‘Bato’ Dela Rosa,” ayon sa PNP.
Dagdag pa ng PNP, iginagalang nila ang proseso ng justice system at ang kapangyarihan ng mga nararapat na ahensya ng gobyerno sa pagpapatupad ng batas.
“As a law enforcement agency, the PNP shall perform its mandate in accordance with existing laws, due process, and established operational procedures,” dagdag pa nito.
Tiniyak din ng PNP na mananatiling patas, propesyonal, at naaayon sa batas ang kanilang mga aksyon, habang iginagalang ang karapatang konstitusyonal ng lahat ng sangkot na partido.
“The PNP likewise assures the public that all actions undertaken shall remain impartial, professional, and within the bounds of the law, with full respect for the constitutional rights of all parties concerned,” pahayag ng ahensya.
Samantala, sinabi ng DOJ na itinuturing na pugante si Senador dela Rosa at humiling din ito ng red notice sa Interpol kaugnay ng kaso ng mambabatas.
