Pope Francis, pigbisita an Marian Basilica sa Rome antes an Holy Week

Antes na magpuon an Semana Santa, binisita kan nakalihis na aldaw nin Sabado nin pagka udto ni Pope Francis an Papal Basilica of Saint Mary Major sa Rome.

Sa pahayag, naglaog an Santo Papa sa Basilica tangani magpangadyi sa atubangan kan imahen kan Virgin Mary o mas bistado komo Salus Populi Romani.

Ini man an ika-126 na pagkakataon na nagbisita si Pope Francis sa simbahan tangani magtaong pugay sa imahen ni Virgin Mary.

An pagbisita na ini ni Pope Francis an komo tanda kan saiyang pagbabalik sa publiko makalihis maospital huli man sa respiratory infection.

Sa ngunyan, dae pa pigkumpirmar kan Vatica kung makaka-etendir an Santo Papa sa pagselebrar nin Pasko kan pagkabuhay.