Posibleng ibalik ngonian na aldaw kan abogado kan Maleta Boys an pagproseso kan mga dokumento kan piyansa makalihis na dae ini naproseso kasuodma sa Las Piñas City Regional Trial Court.
Segun kay Atty. Levito Baligod, abogado kan mga dating soldados na nagdeliver suboot nin mga maleta nin cuarta sa mga halangkaw na opisyales kan gobyerno, mapoon na an pagproseso saaga alas 8:00 nin aga.
Posibleng isangat ini sa Las Piñas, Makati o Pasay mantang nasa kustodiya kan pulis an 10ng ex-marines.
Enot kaini, nagpalipas nin banggi si Baligod sa mga supporters sa luwas kan Las Piñas RTC makalihis na dai makahanap nin available na night court para makapiyansa para sa 10ng “Maleta Boys.”
Kasuodma, nagpasiring si Baligod sa Las Piñas Hall of Justice tanganing magsangat nin plea para sa 14 dating bagmen na nahahampang sa kaso nin perjury na isinangat ni Representative Leila de Lima, dating Senador Antonio Trillanes IV, dating National Security Adviser Eduardo Año asin hepe kan BuCor na si Gregorio Catapang Jr.
