NAGA CITY- Piglalaoman an mga power interruptions sa manlaen-laen na lugar na sakop kan CASURECO II sa mga masurunod na aldaw.
Sa entrevista kan Bombo Radyo Naga ki Rinner Bucay, tagapagtaram kan CASURECO II, pigsaysay kaini na lalaoman saaga na magkakaigwa nin power interruptions sa parte kan Pili, Camarines Sur partikulamento an Pawili, New San Roque, Santiago, Old San Roque, San Antonio, San Vicente (Pob.), San Juan, San Isidro (Pob.), Tagbong, asin Binobong. Kabali man sa mamawara nin supply kan kuryente sa parte kan Minalabac partikulamente sa Mataoroc, Manapao, Catanusan, Sagrada Familia, San Jose, Baliuag Viejo, Magadap, Tariric, asin Sitio Bingcay o an mga lugar na sakop kan Feeder 21 puon alas 9 nin pagkaaga hasta alas-5 nin pagkahapon.
An nasambitan ng power interruptions an kabali sa saindang maintenance na padagos nindang pigreremedyohan. Apwera pa digdi, lalaoman pa an pagpalsok nin kuryente sa mga masurunod na aldaw orog na sa aldaw nin Biyernes, Hunyo 7, 2024 kun saen kabali an Feeder 12, Feeder 13, Feeder 18 asin parte kan Feeder 56. Mientrastanto, laoman man soboot an power interruptions siring kan nangyari kan nakalihis na Sabado kun saen, naubos an area kan Naga City magin Munisipalidad huli sa epekto kan Manual Load Dropping kan National Grid Corporation of the Philippines (NGCP).
Katakod kaini, kahagadan man ni Bucay an pag-intindi nin huli ta an kawaran soboot nin supply kan kuryente an bako sanang problema kan CASURECO II alagad huma kan entirong nasyon dara naman kan Manual Load Dropping kan NGCP.
