Dae napugolang mapaluha ni Presidente Ferdinand Marcos Jr. sa saiyang patara-tara sa Online Sexual Abuse and Exploitation of Children (OSAEC) Summit 2024 makalihis iheras kan sarong survivor an saiyang nagin eksperyensiya sa sekswal na pang-aabuso.
Sigun sa presidente, an pang-aabuso sa mga aki an sarong “worst crime against humanity” kaya man sisiertohon kan gobierno na masugpo na an siring na klase kan krimen.
Tinawan-duon pa kan presidente na dapat maglapigot an mga opisyal nin huli ta kadakol pang kaipohan na gibuhon tanganing dagusan na matuldukan an soboot nakaka-kilabot na problema kan pang-aabuso, rog na sa mga jovenes.
Piglatag ni Marcos an pirang programang ginigibo kan gobierno siring kan pagtatag kan Presidential Office for Child Protection asin pagsasaley kan Anti-OSAEC and Anti-CSAEM Act.
Sa datos kan Department of the Interior and Local Government (DILG) puon kan Enero hasta Setyembre, mapakol sa 169 na biktima kan online sexual abuse asin exploitation an nasalbar gikan sa ikinasang haros 100 operasyon.
Puon man kan Enero hasta Hunyo, labi 22,000 jovenes an nakaeksperyensiya nin physical, sexual, emotional, asin psychological abuse, basado sa Violation Against Women and Children (VAWC) record kan kagawaran.
