NAGA CITY – Mantinid sa presente an presyuhan kan mga barakalon sa Naga City Peoples Mall.
Sa entrevista kan Bombo Radyo Naga ki Rodel Buena, Local Revenue Collection Officer 2, NPCM, sinaysay kaini na sa saidang huring monitoring, mayo man nin nahiling na ano man na paghiro kan mga presyuhan kan paninda na kun saen haros kumpleto asin bastante man an mga suplay kan produkto.
Sigun pa ki Buena, mantindo man an mga presyo kan karne, siring kan karneng orog asin man baka, magin an presyuhan sa mga frozen meats.
Mantang sa produktong sira, igwa man nin manlaen laen na presyo depende man sa klase kaini, siring na man kan gulay.
Mientrstanto, pigtwan duon kan opisyal na sa ngunyan na bulan nin Hulyo magkakaigwa sinda nin sectoral assembly na kun saen kabali digde an nasa 28 na sections sa aktibidad, ini tangani maipaabot sa sainda an mga bagong panundon asin polisiya na dapat na masunod, kabali na an manunungod sa pagbabayad nin renta asin iba pa man na pagmanehar kan tamang pagtitinda.
