Nagpuon ng maglangkaw an presyo kan mga paroy sa anom na primerong rice-producing regions kan nasyon.
Sigun sa National Food Authority (NFA) naglangkaw nin 0.3 hasta 2.6 percent an paglangkaw kan presyo sa mga rehiyon kan Bicol, Central Visayas asin nagkapirang parte kan Mindanao.
An nasambitan ng numero an pirang pirang aldaw makalihis na ipagsugi ni Presidente Ferdinand Marcos Jr na pagsuspinder kan rice importation.
An average na presyo kan paroy an gikan sa P16.98 kada kilo sa Central Luzon asin P20.59 man kada kilo sa Southern Mindanao.
Mantang mayong pagbabago sa P16.52 kada kilo sa Southern Tagalog asin P17.60 per kilo man sa Western Visayas.
Nagbaba man an presyo kan paroy sa mga rehiyon kan Ilocos, Cagayan Valley, Eastern Visayas, Northern Mindanao asin Bangsamoro Autonomous Region in Muslim Mindanao (BARMM).
Marurumdumang puon sa Setyembre, ipapauton an 60-day import ban sa mga imported na bagas tanganing maprotehiran an mga paraoma.
