Programa kontra-malnutrisyon sa mga aki, padagos sa tahaw kan El Niño

Inasegurar kan gobyerno na magpapadagos an anti-malnutrition programs sa nasyon sa ibong kan huma kan El Niño sa supply nin pagkakan.

Segun sa Council for the Welfare of Children (CWC), kaipuhan tulos na atubangon an isyung ini tanganing dai maapektaran an halawig na salud asin pagtalubo kan mga kaakian.

Bilang parte kan kampanya, tutukan kan gobyerno an pagtao nin supisyente asin masustansyang pagkakan sa mga kaakian.

Para digdi, orog pang papahiwason asin padakulaon kan gobyerno an mga Child Development Centers para sa Supplementary Feeding Program.

Ipinapautob man kan DSWD an First 1,000 Days Cash Grant sa irarom kan 4Ps para makatabang sa nutrisyon asin pagpacheck-up kan mga bados asin kaakian na may edad zero hasta dos años.