Nagsagibo nin mahewasang hiro protesta an kadakol nin namamanwaan sa 50 estado kan Estados Unidos kontra ki US President Donald Trump asin Elon Musk.
Magin sa ibang parte kan kinaban, igwa kan siring na aktibidad.
Ini an pig-organisar kan pro-democracy movement komo kasimbagan sa soboot “hostile takeover” asin pag-atake sa American rights asin freedom.
Partikular na piglunsar an mga paghiro sa state capitol, federal buildings, congressional offices, Social Security headquarters, parks asin city halls sa bilog na Amerika.
Haros 600,000 man an nagpirma tanganing mag-atendir sa nasambitan ng events kun saen an iba isinagibo an rally, kabali na man sa major cities siring kan London asin Paris.
Kahurutan kan mga ini na tapuson an pig-aapod nindang ‘billionaire takeover’, talamak soboot na korapsyon, pagbawas sa federal funds para sa Medicaid, Social Security asin iba pang programa, siringman tapuson an pag-atake sa mga imigrants asin ‘trans’.
Alagad enot na ining pigmaliit kan kampo ni Trump, asin sinabing mapadagos an mga programa kan presenteng administrasyon.
