Pigbuksan liwat kan National Telecommunications Commission an saindang Public Assistance Operation ngonian na Undas 2024.
Basado sa pinaluwas na memorandum kan ahensya, pigsugo kan NTC an gabos nindang Regional Directors na makipagkoordinar sa NDRRMC, Civic Action Groups asin magin sa Amateur Radio Groups.
Pig atasan man kan NTC an mga director na magpaluwas nin temporaryong permit asin lisensya kun kinakaipuhan.
Obheto kaini na masierto an kasalbaduhan kan mga pasaherong pauli asin pabalik sa saindang kanya-kanyang probinsya.
Nagpaluwas man nin direktiba an ahensya sa gabos kaining Regional Offices na makipag-ulay sa mga istasyon nin radyo, telebisyon, asin cable TV operators ngani na maihatod an mga importanteng impormasyon sa mga namamanwaan.
