NAGA CITY– Gadan na kan madukayan an sarong maestro makalihis kaining ibitay an sadiri sa laog kan saiyang kusina sa Barangay San Roque, syudad nin Iriga.
Binisto an biktima na si Romel Vargas, 45-anyos, sarong public school teacher asin school nurse sa nasambitan nang lugar.
Sa nakuang impormasyon kan Bombo Radyo Naga hale sa Iriga-PNP, napag-araman na inabotan na sana kan aki kaini si Vargas na nakabitay gamit an sarong nylon rope na ginapos sa saiyang liog.
Pigdalagan pa kudta na sa ospital an biktima alagad dineneklara na ining dead on arrival kan mga doktor.
Mientrastanto, sa inisyal na imbestigasyon kan mga otoridad, narekober sa lugar an sarong suicide note alagad dae na dinetalye an laog kaini.
Sa ngunyan, nagpapadagos pa an imbestigasyon kan mga otoridad dapit sa nasambitan nang insidente.
