Pinagirumdoman ni House Committee on Information and Communication Technology chairman asin Navotas representative Toby Tiangco an publiko na mas magin alerto asin mag-ingat kontra sa manlaen-laen na klase kan panloloko na naggamit nin Artificial Intelligence o AI.
Nakakamundo para ki Tiangco na mantang nag-aangat an satuyang teknolohiya, an nagiging high tech na man an mga scammer.
Sinaysay ni Tiangco na marekas manloloko an naggagamit nin video call kun saen garo totoong tawo an kaulay alagad AI-generated palan an lawgon asin boses.
Abiso pa ni Tiangco sa gabos, dae basta-basta magtubod sa ipinapahiling resibo kan transaksyon, asin pirming mag-double check, mag-validate, huli ta kayang-kaya na ngunyan na maggibo nin pekeng slip gamit an AI.
Patanid man ni Tiangco sa mga padagos na nagsasagibo nin scam o mga panloloko, may naka-ambang padusa sa sainda na pagkakulong nin puon 12 hasta 20 taon huli sa pagbalgar sa Cybercrime Prevention Act, Anti-Financial Scamming Act.
