NAGA CITY- Deserve suboot ni Bb. Pilipinas-Universe Rachel Peters na makalaog sa top 5 kan Miss Universe 2017 huli naman sa tibay na ipinahiling kaini sa prestihiyosong beauty pageant.
Basado sa report ni Bombo Correspondent Carlo Villa, sinaysay kaining labing ikinamundo kan mga Pilipino na live na nagdalan sa Planet Hollywood Resort and Casino kan dae maapod an pangaran ni Peters sa top 5 finalist huli ta deserve suboot kaining makua an Miss Universe title.
Enot kaini, sinaysay ni Villa na ‘stand-out’ an gayon ni Peters pag-abot pa sana kaini sa Las Vegas asin ipinahiling kaini an saiyang tibay sa mga preliminary competition.
Marurumduman na natuninong suboot an mga audience sa laog kan Planet Hollywood makalihis na dae maapod an pangaran kan Bicolana Beauty sa top 5 kan Miss Universe.
