Inihayag kan Department of Justice na ipinapautob sa presente kan Philippine Coast Guard an implementasyon kan ‘recovery period’ sa mga technical divers kaini sa Taal lake.
Sigun ki Justice Assistant Secretary asin man Spokesperson Mico Clavano, igwang ‘cycle’ an ngunyan na pigsusunod kan mga divers sa nagpapadagos na search and retrieval operations sa lawa.
Tangani makarekober an lawas kan mga ini kasabay man kan paggamit nin ‘decompression machines’ tangani maparikas an operasyon. Saiya pang idinagdag na saindang nilalaoman na madagdagan pa nin labi an mga tulang na narerekober gikan sa tubig o irarom kan lawa.
Mientrastanto saiya man na kinumpirmar an kabilugang numero na 355 human bones na narekober sa Taal lake. Gikan sa labi sa 400 mga lawas, 46 an nadiskubreng bakong mga tulang kan tao o ‘non-human fragments’.
Alagad aminado an nasambitan ng tagapagtaram na bigo pa man na masierto kan Philippine National Police Forensics Group an numero kun pirang lawas kan tao an narekober.
Kasunod kan mapabareta na nagkakahelang na an mga technical divers tangani sana makua an soboot mga lawas na inilubong, sigun ki Justice Secretary Remulla huli na ink sa ati kan tubig.
Hurot kan opisyal na apwera kaini, mayo nin ‘oxygen’ sa irarom kan lawa asin bigo pang makahiling huli man sa dae abot magin an liwanag kan aldaw.
