Nangapudan si Senate Foreign Relations Panel Chairman Erwin Tulfo sa Department of Migrant Workers (DMW) asin Overseas Workers Welfare Administration (OWWA) na maglaag nin recovery plan para sa mga Pinoy na nakatalaan kuta na maglupad pasiring sa Middle East tanganing magtrabaho alagad naatrasar huli sa nagdadakulang tensyon sa rehiyon.
Segun sa mga OFWs na pasiring kuta sa Middle East, mayo pa nin ano man na abiso an mga ahensya kan gobyerno na masimbagan an saindang sitwasyon, asin mayo pang malinaw na plano an saindang kanya-kanyang recruitment agencies dapit sa saindang deployment.
Komo sponsor kan budget kan Department of Migrant Workers asin OWWA para sa 2026, ipighurot ni Tulfo an paggamit kan P2 billion na Urgent Care and Relief for OFWs in Need (AKSYON) Fund para matawan nin ayuda an mga apektadong OFWs.
