Pigsunadan nin kasong plunder, graft, asin technical malversation kan grupong Save The Philippines Coalition si Executive Secretary Ralph Recto asin dating Philippine Health Insurance Corp. (PhilHealth) President Emmanuel Ledesma Jr.
Nagbunsod an kaso sa pagbalyo kan P60-bilyon na sobrang pondo kan Philhealth sa national treasury.
Sa 15 dahong reklamo na pigsunad sa Office of the Ombudsman, nangapodan sinda kan paghali sa pwesto ninda Recto asin Ledesma.
Sinaysay kan mga nagrereklamo na sinda Irene Caballes, Elmer Jugalbot, Gerlyn Ogong, Emerita Pecson, Susan Villar, Mussolini Lidasan, Jose Olivar asin Jaime Miralles na malinaw an mga pagbalgar kan nasambitan ng opisyal.
Pigpirit soboot ni Recto na dating Finance Secretary na ibweltada an pondo sa national treasury maski na igwang mg prohibition sa ley.
Mantang si Ledesman an dapat mapanimbag huli ta pinabayaan kaini an nasambitan ng pagbalyo kan pondo.
Marurumduman na kan nakalihis na Disyembre 3, nagluwas nin kasuguan an Korte Suprema na ibweltada an P60-B sa Philhealth an pondo na naideposito sa National Treasury.
