Bumagsak an 24-metrong replica kan Statue of Liberty sa luwas kan Havan megastore sa Guaíba, Brazil kan Disyembre 15 makalihis na tamaan kan makukusog na duros kawsa kan maraot na panahon.
Sigun sa mga awtoridad, mayong nairehistro na nairido sa insidente makalihis maibakwar an mga tao asin lunadan sa palibot antes na magrasay an nasambitan ng istruktura.
An replica an itinugdok kan nakalihis na taong 2020 komo parte kan branding kan Havan retail chain na bistado sa pagtutugdok nin mga Statue of Liberty replicas sa saindang mga tindahan.
Nagtitinir na bilog an konkretong base kan estatwa dawa na bumagsak an mismong istruktura, kaya dae naapektaran an establishmento. An pagbagsak an nakuanan sa video asin naglakop sa social media, na nagkawsa nin matinding urulay sa publiko.
An insidente an saro sana sa mga danyos na kawsa kan makusog na bagyo sa rehiyon kan Rio Grande do Sul ngunyan na bulan nin Disyembre.
