Liwat na nagdara an Office of Civil Defense nin ribu-ribong litro in tubig sa mga biktima kan Kanlaon eruption.
Basado sa huring report kan OCD Western Visayas, kabilogang 2,000 na litro kan inumon na tubig an dinara sa mga residenteng naapektaran sa mga Negros Islands na magagamit kan mga enot na pig-ebakwar.
An mga ini an nakalaag sa tig-6.6 liter bottle.
Puon kan enot na nagputok an bulkan kan nakalihis na Disyembre 9, nakapaghatod na an OCD sa paagi kan Western Visayas Office kaini nin kabilogang 5, 680 bottled water sa mga naapektarang mga residentes.
Sigun sa OCD, nagtatarabangan an mga regional office kaini para sa mga biktima kan Kanlaon eruption komo parte kan nagkakasararong relief effort.
