Nagtao nin tabang an Philippine Red Cross (PRC) sa kabilugan na 8,721 na pasyente sa ikalimang aldaw kan saindang nationwide na “Undas Operation 2026” sagkod alas 9:00 nin aga kan Nobyembre 2, 2026.
Kaiba sa mga tinabangan an 8,721 na indibidwal para sa pagkuha nin vital signs, 359 na minor cases arog kan pagkalula asin lugad, 19 na major cases, asin siyam na pasyente na kaipuhan idara sa ospital huli sa grabeng kondisyon arog kan stroke asin cardiac arrest.
Nagtao man an organisasyon nin 297 na welfare assistance, kaiba an psychological first aid, pagwaras nin pagkakan asin tubig, asin wheelchair assistance para sa mga nagbibiyaheng namamanwaan.
Para seguraduhon an kaligtasan kan publiko, nag-deploy an PRC nin 1,977 na personahe na binibilog nin 132 staff members asin 1,845 na volunteers sa manlaen-laen na parte kan nasyon.
Nagrekord man an ahensya nin 73 ambulances, 404 first aid stations, 131 welfare desks, 45 foot patrols, asin iba pang rescue assets tanganing marikas na makatabang sa anuman na emergency.
Nakatutok an mga rescue units sa 349 na sementeryo, 17 bus terminals, siyam na seaports, duwang paliparan, asin iba pang matatawong lugar mantang nagpapadagos an operasyon sagkod Nobyembre 3.
