Piglalaoman na magkakaigwa nin rollback sa presyo nin diesel asin kerosene sa masunod na semana, mantang posibleng magtaas man an presyo nin gasolina segon yan sa Department of Energy.
Base sa apat na aldaw na trading monitoring sa Mean of Platts Singapore, kinakarkulong mababa nin poco mas o menos P9 kada litro an Diesel, asin P12 kada litro man sa Kerosene.
Mientrastanto, posibleng magtaas nin P1.60 sagkod P1.70 kada litro an Gasolina.
Segun ki DOE Oil Industry Management Bureau Director Rino Abad, padikit-dikit nang nagbabalik sa normal market-based pricing an langis matapos maapektuhan kan tensyon sa Middle East na nagpoon kan Pebrero.
Segun digdi, an presyo nin langis sa pankinaban na merkado ngunyan nasa poco mas o menos $70 sagkod $95 kada bariles, na riribayan sa normal na presyo kaining $55 sagkod $65 kada bariles.
Iaanunsiyo man kan mga kumpanya nin langis an opisyal na presyo kan mga produktong petrolyo sa Lunes asin ipapautob ini sa aldaw nin Martes.
