Pighayag kan Bureau of Immigration (BI) na dakula an posibilidad na nakahali nin nasyon si dating presidential spokesperson Harry Roque gamit an parehong ruta ni Alice Guo.
An nasambitan ng pahayag an ipigbuyagyag ni BI Commissioner Joel Anthony Viado sa ginanap na Senate subcommittee on justice and human rights hearing kan nakalihis na aldaw nin Martes.
Sa pagtapos kan saiyang halipot na presentasyon, sinabi ni Viado na an siisay man na makapangyarihang indibidwal na suportado kan Philippine offshore gaming operators (Pogos) o igwa nin access sa pagpopondo asin mga mapagkukuanan siring kan Pogos an marikas na makalusot sa mga hangganan asin man makalaog sa ibang mga kataraid na nasyon.
Sinabi ni Viado na dipisil para sa BI na eksaktong aramon an dagat o palupadan na ginamit kan mga Pogo tangani matabangan si Alice o Roque na makatakas.
Siringpaman, sinabi kaini na padagos nindang poporbaran kun pano naitago kan mga Pogos an mga undesirable aliens.
Sinda Alice asin an saiyang mga tugang na sinda Shiela asin Wesley an pinagtutubudan na ginamit an backdoor kan Tawi-Tawi tangani sana makatakas sa hurisdiksyon kan Pilipinas kan dae natukoy.
Ini an pigbuyagyag ni National Intelligence Coordinating Agency (NICA) Director Ferlu Silvio sa pagdangog kan komite kan nakalihis ma Marso 4. Sigun ki Silvio, na-monitor man kan NICA an paglalakbay ni Roque gikan Zamboanga pasiring Tawi-Tawi kan nakalihis na Setyembre 2, 2024.
Soboot, pagkaabot ni Roque sa Tawi-Tawi, mayo nang ibang nagluwas na impormasyon. Si Roque an yaon sa Netherlands sa presente kun saen ini an naghihiro komo miyembro kan legal team ni dating Presidente Rodrigo Duterte para sa kasong crimes against humanity sa International Criminal Court.
An dating presidential spokesperson anidinadawit sa qualified human trafficking case kontra ki Cassandra Li Ong asin man iba pa dapit sa soboot ilegal na aktibidad kan Pogo hub na Lucky South 99 Corp.
Napagaraman na igwa ini nin outstanding arrest order gikan sa House of Representatives makalihis ining i-cite for contempt asin ipag-sugo na ikulong huli sa kabiguan kaining magsumiter kan mga dokumento na nagtatao nin katwiran sa soboot biglaang paglangkaw kan saiyang yaman.
Naenot nang sinabi kan BI na malamang na umalis ini kan nasyon sa paagi kan illegal na paagi.
