Aram baya nindo mga ka-Bombo, sarong bus driver na gikan sa Japan na nasa 29-taon na sa serbisyo an mawawaran nin labi $84,000 na retirement package makalihis maaaraman na pighabon kaini an $7 na pamasahe sa bus.
Kan taon 2022, mantang pighihiling an dashcam footage, an mga miembro kan Kyoto Municipal Transportation Bureau nadakop an saro sa bus driver na pigbulsa an 1,000-Yen bill, imbes na ibugtak ini sa fare processing machine komo standard procedure.
Kan ini kinaulay manunungod sa insidente, saiya ining pigpahimutikan kun kaya tolos man ining pighali sa trabaho.
Apwera digde, an saiyang retirement fund na nagkakantedad nin poco mas o menos 12 million yen an dae na kaini makukua.
Pig-apelar man kan bus driver sa city of Kyoto an siring na desisyon asin pighagad na ipawarang bisa alagad an Supreme Court dae nagtugot nin huli ta matao ini nin danyos sa public trust sa nasambitan ng lokal na transportasyon.
Makalihis na dae tugutan na liwat makua an saiyang 12 milyon na yen ($84,000) kontra $7, nakiulay ini sa sa city of Kyoto na baliktadon an hatol.
Mientrastanto, kasuarin sana ngunyan na bulan, pinanindugan kan Japan’s Supreme Court an orihinal na desisyon na kun saen sinaysay na an saiyang salang gawi posibleng magkawsa nin pagkadismaya asin pagkawara nin tiwala sa sistema.
Sa ngunyan, an Kyoto transporation Bureau pinasalamatan man an Supreme Court sa siring na desisyon.
