NAGA CITY – Nakikiulay an sarong konsehal sa siyudad nin Naga sa gabos na mga drivers kan pampublikong lunadan na dae mag overcharge sa pagsingil nin pamasahe sa mga pasahero.
Sa naging paghampang sa mga kagawad kan media ni Naga City Councilor Omar Buenafe, sinaysay kaini na bako soboot ini an panahon na mag take advantage sa iba orog na ta haros gabos man an nadanyaran kan nakalihis na bagyong Kristine.
Sigun pa sa opisyal kaipuhan an pagtatao nin konsederasyon sa lambang saro komo pagtabang naman sa naeeksperyensiyahan na pagsakit makalihis an kalamidad.
Katakod digde, sa mga pasahero na naging biktima kan overcharging kan mga nagkapirang drivers orog na sa mga tricycle na kuanan soboot nin ladawan an plate # tanganing magserbeng ebedinsiya sa ginibong pang-aabuso kan iba.
Sa ibong na lado, para man sa isyu kan mga kolorum na lunadan na nagbi-biyahe dae soboot ini pig-eenkaminar alagad sa panahon na ini kaipuhan an pag-iintindi.
Huli soboot sa pagsakit kan buhay, naglalapigot man an iba tanganing makakua nin kwarta alagad dae man boot sabihon na pigtutugutan ini.
Sa ngunyan, padagos man an PSO-Naga sa saindang trabaho sa pagmenahar kan trapiko asin pagsitar sa mga padagos na nagbabayolar sa mga ordinansa na pigtutulod sa bilog na siyudad.
