NAGA CITY – Gadan an sarong lalaki makalihis na makuryente sa banwaan nin Magarao Camarines Sur.
Sa entrevista kan Bombo Radyo Naga ki PCPT Mark N. Spaña Acting Chief of Police kan Magarao MPS pigheras kaini an makamundong bareta kun saen kan nakalihis na Enero 2, 2026 nakareseber ini nin apod dapit sa nakuryente sa Zone 1 Carangcang Magarao, Camarines Sur.
Basado sa imbestigasyon nahiling kan sarong residenteng naglalakaw-lakaw sa bakuran an baka na napuruputan kan naputol na wire asin sarong lalaking mayong malay.
Tolos na pigdara sa ospital an biktima para sa agarang medikasyon alagad pigdeklarar ining dead on arrival.
Dugang pa ni Spaña na bandang alas 4 hasta alas 5 nin pagkaaga nawara an kuryente asin pagkasabod kan baka an nagin kawsa kan pagkawara kan suplay nin kuryente.
Siring man pigtutubudan na enot ng nakuryente an baka asin pigsasalbar ini kan kagsadiri rason man para ini makuryente.
Sigun pa ki Spaña nakalaylay an wire kan kuryente kaya dae maikakaila na ini abot pa kan baka.
Nakipagkoordinar man PNP sa Casureco para sa tolos na imbestigasyon dapit sa insidente.
Sa ngunyan pangapudan nasana ni Spaña na kun pupwede icheck kan Casureco an gabos na mga wire sa gabos na Barangay kan Magarao tanganing malikayan an anuman na insidente siring kaidto.
