NAGA CITY-Hinabunan an sarong lalaki sa sadiri kaining harong sa Sariaya, Quezon. Binisto an biktima na si alyas Armando, 55 anyos, residente kan Brgy Tumbaga 1 Sariaya, Quezon, mantang binisto man an suspek na si alyas Bulag, 27 anyos, residente kan Brgy Masin Sur, Candelaria, kan kaparehong probinsya.
Sa nagunong impormasyon kan Bombo Radyo Naga sa Quezon Police Provincial Office, napag-araman na personal soboot na nagsiring si Armando sa Sariaya Municipal Station tanganing ireport na nagin biktima ini nin panghahabon.
Basado sa imbestigasyon kan mga awtoridad, alas 2:37 soboot nin aga kasuugma mantang turog an biktima kaibanan an saiyang pamilya sa saindang harong sa saindang private resort, kan pwersahan soboot na pigbukaan kan suspek an sliding window sa tungod kan saindang harong asin padagos na nin hinabon an duwang sling bag na may laog nin ₱125,000 Pesos, sarong 9MM na Glock 17, Permit to Carry Firearms ID, LTOPF license, Driver’s license, Brgy Official ID, National ID, Voter’s ID asin Landbank ATM.
Makalihis ini tulos man soboot na nagdulag an suspek sa dai pa naaaraman nin direksyon dara an mga hinabon kaini.
Sa ngunyan, nagpapadagos pa an imbestigasyon kan mga awtoridad manunungod sa nangyaring insidente.
