Aram baya nindo mga ka-bombo, sarong serial Guinness World Records breaker an nagbalanse nin sarong tukawan gamit sana an saiyang baba sa laog nin sarng oras asin 20 minutos tanganing mabawi an saro sa dati kaining kapot na titulo.
Si David Rush, na kasuarin sana nabawi man an sarong kaparehas na record sa paagi kan pagbabalanse nin sarong hagdan sa saiyang baba sa laog nin 19 minutos asin 11 segundo, an orihinal na nakakua kan titulo para sa pinakahalabang oras kan pagbabalanse kan tukawan gamit an baba sa laog nin labi sarong oras.
Nawara sa saiya an record kan malampasan ini kan saro pang eksperto sa pagbabalanse na nakapagkurit nin 1 oras asin 19 minutos.
Sigun ki Rush, sa mga nakalihis na mga bulan, nagsanay soboot ini tanganing maibweltada an kusog asin tibay kan saiyang liog. Kun saen, saro soboot ini sa literal na boot sabihon kan kulog kan liog.
An record man soboot na ini an nagbubugtak nin padagos na gabat sa panga, sa liog, asin sa itaas na parte kan galugod, asin mayong maski kadikit na pagpahingalo kun nakapwesto na an tukawan.
Lambang segundo, nangangaipuhan nin aktibong kontrol.
Sinaysay pa ni Rus na pagmata kaini na kaya pa kaining ipagpadagos na lampas sa record, alagad huli sa kulog gikan sa halangkaw na pagkapot sa posisyon, tinapos kaini an saiyang pagpopoporbar sa laog nin 1 oras, 20 minutos asin 30 segundos. Kinumpirmar kan Guinness World Records na bastante ini tanganing mabawi an saiyang titulo.
