NAGA CITY-Pigtaga an sarong lalaki sa Brgy. Sibujo, Libmanan, Camarines Sur.
Binisto an biktima na si Andy San Lucas De la Peña, 54-anyos, residente kan Brgy. Mampungo, Paracale, Camarines Norte, mantang binisto man an suspek na si Alvin Abasola, residente kan Brgy Cambalidio, Libmanan, Camarines Sur.
Sa nagunong impormasyon kan Bombo Radyo Naga sa Libmanan Municipal Police Station, nag-iinuman soboot an suspek asin an biktima kan nagkaigwa an duwa nin komprontasyon.
Basado sa inisyal na imbestigasyon kan mga awtoridad, ini an nagin rason kaya pigtaga ni Abasola an biktima, na nagtama sa saiyang tulak.
Makalihis kaini tulos man na nagdulag an suspek.
Dinara naman an biktima sa sarong ospital para sa asistensya medikal.
Sa ngunyan pinaghahanap pa an suspek asin nagpapadagos pa man an imbestigasyon manunungod sa insidente.
