NAGA CITY – Ginawaran nin pagbisto komo Most Outstanding Calabangueño an sarong opisyal sa Calabanga, Camarines Sur.
Sigun ki Adonis Aguilar Jr., Municipal Councilor asin Awardee sa nasambitan ng banwaan, na dae kaini aram kun anong criteria an ginibo o ginamit alagad pigpadarahan na sana soboot ini nin surat na nagsasabi na awardee ini kan nasambitan ng parangal.
Alagad nagtutubod si Aguilar na an pinagbasihan digdi an huli sa saiyang 18 taon na serbisyo sa publiko, sa pagiging broacast journalist, asin iba pa.
Dugang pa kan opisyal, nasa 25 personalidad an natawan man kan siring na parangal gikan sa manlaen-laen na sektor siring na sana kan edukasyon.
Mientrastanto, an nasambitan naman na parangal an premirong pagkakataon na nangyari sa saindang banwaan. Kun saen, sigun man sa alkalde kan banwaan, ipapadagos soboot ini kada ikalimang taon tanganing matawan pa nin pagbisto an mga personalidad na nagtatabang sa saindang banwaan.
Sa ngunyan, magpapadagos-dagos soboot an pagtatao nin serbisyo sa komunidad asin mga namamanwaan si Aguilar, siringman an saiyang adbokasiya na pagkakaigwa nin good governance, asin iba pa na makakatabang sa saindang banwaan.
