NAGA CITY – Pigheras kan sarong abogado an kakahampangon na penalidad kan sarong negosyante o indibidwal na dae magbayad nin tamang buwis.
Sa entrevista kan Bombo Radyo Naga ki Atty. Benjamin Guillermo Magadia, corporate legal council asin private practitioner, sinaysay kaini na an pagbabayad kan buwis an nakadepende sa income kan sarong kumpanya o sarong indibidwal.
Katakod kaini, sa mga dae magbabayad nin buwis, magsasagibo an BIR nin assessment kun saen i-aadjust kan BIR an dapit sa dapat na babayadan na buwis asin papadaraha nin letter of authority sa siisay man na mabibigo na magbayad kan saindang mga obligasyon.
An kaparehas man na lakdang an ipapautob sa mga nagbabayad kan saindang buwis alagad kulang.
Sa mga nalugi an saindang negosyo, kaipuhan man na mag file nin Bankruptcy tanganing makwenta nin marhay an saindang buwis.
Pigtawan duon pa ni Magadia na an siisay man na masisirip na dae tama an pagbabayad nin buwis ang maipapasara ang negosyo asin igwang kakahampangon na penalidad.
Sa ngunyan, pinayuhan na sana kan abogado an publiko na magbayad nin tamang buwis tanganing makalikay sa magkakanigong penalidad.
