Inanunsyo ni Finance Secretary Frederick Go na saiyang pinirmahan an resolusyon na naghahali kan buwis sa Liquefied petroleum gas (LPG) asin kerosene.
Ginibo kan Kalihim an pahayag sa tahaw kan budget hearing sa Senado para sa Department of Finance.
Ipinangapudan ni Senador Bong Go na dapat nang isuspinde an fuel excise tax huli sa nagpapadagos na gera sa Gitnang Silangan.
Alagad, ipinaliwanag kan Department of Finance, na dai ninda hahalion an excise tax sa diesel asin gasolina huli ta magreresulta ini sa pagkalugi kan nasyon nin nasa P12 bilyon kada bulan.
Dugang pa ni Kalihim Go na kun hahalion an buwis sa gasolina asin diesel, an mga mayaman an makikinabang na iyo an mas makusog maggamit nin diesel asin gasolina.
Mientrastanto, gigibohon na sana kan gobyerno an pagwaras nin subsidiya sa mga vulnerable sectors mantang naglalangkaw an presyo kan langis sa nasyon.
