Sinugo ni Department of National Defense (DND) Secretary Gilberto Teodoro an Armed Force of the Philippines (AFP) na siertuhong magigin salbado asin matoninong an gigibuhon na parliamentary elections sa masunod na bulan.
Sigun ki Teodoro, mantiniron an integridad kan lambang kabuhan kan militar asin siertuhon na dae makikisumaro an sisay man na parte kan tropa sa partisan politics sa maabot na eleksyon sa Oktubre.
Kaipuhan soboot mangibabaw an boses kan mamamayang Pilipino sa pagpili kan saindang lider asin trabaho kan AFP na siertuhong madadangog ini nin toninong asin igwang kredebilidad.
Pigtawan-duon man kan sekretaryo na an susi sa sarong matoninong na eleksiyon sa Bangsamoro Autonomous Region in Muslim Mindanao (BARMM) iyo an kapreparaduhan kan tropa kan Sandatahang Lakas komo mga tagapagtaguyod kan katoninongan sa nasambitan ng eleksiyon.
Mientrastanto, an nagin command conference man kan nakalihis na Sabado an bako sana komo parte kan pagpepreparar kan AFP asin DND sa parliamentary elections alagad magin sa iba pang mga inisyatibo kan organisasyon para sa pagtatao kan bilog na suporta sa BARMM.
