Inakusaran ni Senador Imee Marcos an Malacañang Staff makalihis na sabihong posibleng nagkahelang si Presidente Ferdinand Marcos Jr., huli sa kakulangan sa tamang pag-ataman gikan sa mga tawo sa laog kan Palasyo.
Sa sarong Facebook video, ipigheras ni Imee an saiyang mga saloobin, kun saen hinapot kaini kun sisay an mga nakapalibot sa Presidente an talagang nagmamalasakit sa saiya.
Dugang pa kan Senadora na an salud kan Presidente an posibleng maglala huli sa kakulang nin tamang atensiyon.
Ginibo kan Senador an pahayag makalihis na ipahayag ni Malacañang Press Officer Claire Castro na an Presidente an isinairarom sa medical observation kan nakalihis na Huwebes, makalihis na makamate nin discomfort.
Sa saiyang video, pig-enkaminar ni Imee an saiyang tugang na enoton an saiyang salud asin maglikay sa mga tawo sa saiyang palibot, alagad maski dae kaini pinangaranan an mga ini.
Pigtuyaw man ni Imee an mga indibidwal na inapod kaining “feeling presidente.”
