Pormal na natapos ni Presidente Ferdinand Marcos Jr. an saiyang apat na aldaw na State sa Japan , na saiyang ilinadawan komo “highly productive at constructive,” makalihis na masierto an importanteng mga kasunduan sa ekonomiya, seguridad, asin diplomatiko para sa Pilipinas.
Sinabi kan Presidente na an pagbisita orog na nagpakusog kan 70 anyos nang relasyon kan Pilipinas asin Japan.
An mga tampok na kabtang kan pagbiyahe kabali an pakikipag-olay ni Marcos ki Emperor Naruhito asin Empress Masako, siring man an Prime Minister kan Japan na si Sanae Takaichi.
An duwang nasyon nagkaoyon man na ilangkaw an saindang relasyon sa sarong Comprehensive Strategic Partnership.
Pinahiwas man kan Pilipinas asin Japan an kooperasyon sa depensa, enerhiya, Artificial Intellegence, commercial, asin seguridad sa kadagatan.
Ipinahayag man an pagpoon kan negosasyon para sa General Security of Military Information Agreement o GSOMIA.
Mientrastanto, an Presidente nakakua nin US$3.4 bilyon na mga promesa sa pamumuhunan asin mga oportunidad sa negosyo gikan sa mga namumuhunan na Hapon.
Piglalaoman man na makakamukna ini nin labi sa 10,000 na trabaho para sa mga Pilipino.
Nakipag-ulay man si Marcos sa Filipino Community sa Japan asin pigsierto na padagos na tatawan nin prayoridad kan gobyerno an karahayan kan mga overseas Filipino.
